شروط الاستخدام

آخر تحديث: 18 تشرين الثاني 2026

الحساب

الحساب شخصي إلك. إنت مسؤول عن كلمة السر وعن أي شي بيصير من حسابك. لازم يكون الإيميل إلك وتأكّده بالكود اللي منبعته.

التجربة والاشتراك

كل حساب جديد بياخد 7 أيام تجربة مجانية بكل الميزات. بعدها الاشتراك شهري أو سنوي بالسعر المعروض بصفحة الأسعار، بالدولار أو بالليرة السورية حسب سعر السوق يوم الدفع.

الدفع عبر شام كاش. بعد ما تبعت تفاصيل التحويل، بيشتغل اشتراكك مؤقتاً لحد ما نراجع الدفعة. إذا تأكدنا منها بتنضاف مدة الخطة بعد الأيام الباقية عندك. وإذا ما لقينا التحويل أو كان المبلغ ناقص أو لحساب غير حسابنا، منرفض الدفعة ومنكتبلك السبب.

لما يخلص الاشتراك

بياناتك ما بتنمسح. بتضل تقدر تفوت وتشوف وتصدّر كل شي، بس ما فيك تضيف أو تعدّل لحتى تجدد.

النسخة التجريبية

التطبيق لسا بمرحلة تجريبية. منشتغل لنحمي بياناتك ونصلّح الأخطاء بسرعة، بس ممكن تصادف مشاكل. خلي عندك نسخة احتياطية من الأشياء المهمة كتير عن طريق التصدير.

الاستخدام

  • ما تستعمل التطبيق لشي مخالف للقانون أو لأذية حدا.
  • ما تحاول توصل لبيانات غيرك أو تعطّل الخدمة.
  • ما تعيد بيع الحساب أو تشاركه مع ناس كتار.

حذف الحساب

بدك تحذف حسابك؟ ابعتلنا من نفس إيميل الحساب على support@life-los.app أو على انستغرام @lifeos.sy، ومنحذف الحساب وكل بياناته نهائياً. قبلها صدّر بياناتك إذا بدك تحتفظ فيها.

التغييرات

إذا تغيّرت هالشروط أو الأسعار منخبّرك بالتطبيق قبل ما تطبّق، والاشتراك المدفوع بيكمّل بسعره لآخر مدته.