الروح
- أوقات الصلاة وتتبّعها
- المصحف والتلاوة والتفسير
- الورد والختمات الجماعية
- الأذكار
- مراجعة الأحاديث
كل تاسك إلها سياق. تبع المشروع بتعيش بالمشروع، تبع الشخص عند الشخص، وتبع الصلاة عند الصلاة. وبنفس الوقت، كلهن بمكان واحد بيعرف وينك هلّق وشو الأهم.
بسم الله، جملة وحدة بنيتك، وأهم 3 شغلات اليوم. الاقتراحات بتجي من كل مكان: تسليم قريب، وعد لصاحبك، امتحان، عميل عم يستنى.
بالجامعة بتطلع المحاضرات فوق، بالدوام الاجتماعات، بالطريق الأشياء الصغيرة. وما في شي بيختفي: الباقي موجود تحت، بس بترتيب أذكى.
اكتب متل ما بتحكي، أو احكي بصوتك: «دفعت 25 ألف تكسي»، «ذكّرني بعد العصر اتصل بأبو أحمد». التطبيق بيفهم وين لازم تروح كل جملة.
شو خلص، شو تأجّل وليش، وكيف كان يومك. مراجعة هادية بدقيقتين، ومستواك بيطلع مع كل يوم بتلتزم فيه.
مساعد بيسمعك بالعربي وبيجاوبك بصوت، وبينفّذ: يضيف مهمة، يسجّل مصروف، يفتح تطبيق. شخصيتك الثلاثية الأبعاد بتحكي وبتتحرك قدامك، لابسة اللي لبسته اليوم.
كل تطبيق مستقل وبيتحدّث لحاله، وكلهن بيحكوا مع بعض: الشخص مربوط بمشاريعو، المشروع بمصاريه، والوعد بصاحبه.
سطر واحد بيصير مصروف، أو مهمة بموعد وتذكير، أو إنجاز بالشغل مع وقته.
نموذج Gemma بيشتغل على جهازك نفسه: بحث بالمعنى بين كل ملاحظاتك ومهامك، فهم الجمل، اقتراحات، وكل هاد بلا ما يطلع حرف من موبايلك.
كل شي محفوظ على جهازك أولاً. لما يرجع النت بيتزامن لحالو بين الموبايل والكمبيوتر.
كل عملة بحسابها، الدهب بالعيار، وسعر السوق بيتحدّث لحالو. والمجموع بالدولار سطر اختياري، مو بديل.
المواقيت والتاريخ الهجري محسوبين لمدينتك، وفيك تقول «بعد العصر» بأي مهمة.
فصل الصوت عن الموسيقى، تحويل العزف لنوتات، قص الخلفيات، فيديوهات شرح، تدقيق لغوي ونسخ احتياطي. الموبايل بيبعت الشغل التقيل للابتوب على شبكة البيت، ويرجعلك النتيجة.
كل شي بينحفظ بقاعدة بيانات على موبايلك، والمزامنة مشفّرة بالطريق ومحمية بصلاحيات على مستوى كل سطر.
النماذج بتنزل مرة وحدة وبتشتغل على الجهاز. كلامك ومهامك ما بينبعتوا لأي شركة.
دخلنا من اشتراكك بس. ما في متتبّعات إعلانية بالتطبيق ولا بالموقع.
الإدارة بتشوف إيميلك واشتراكك ودفعاتك بس. مهامك وملاحظاتك ومصاريك مالنا علاقة فيهن.
صدّر كل شي بملف واحد بأي وقت، حتى لو خلص اشتراكك.
كل التطبيقات، بلا دفع مسبق
أو ما يعادلها بالليرة السورية بسعر اليوم
يعني $7.50 بالشهر، أو ما يعادلها بالليرة
من التطبيق، أو من حسابك هون بالموقع. السعر بالليرة بيتحدّث حسب سعر السوق.
امسح الكود أو انسخ العنوان، واكتب كودك الخاص (متل LOS-7KQ2M) بملاحظة التحويل.
بيشتغل اشتراكك مؤقتاً فوراً، ومنأكّده خلال يومين بعد ما نراجع التحويل.
تطبيق واحد فيه 47 تطبيق صغير لكل جوانب حياتك: العبادة، الدراسة، الشغل، الفريلانس، المشاريع، التدريس، المصاري، الصحة، البيت والناس. كلهن مربوطين ببعض، وفي صفحة «يومي» بتجمع الأهم من كلهن حسب وينك ووقتك.
هلّق على أندرويد. نسخة ويندوز جاهزة تقريباً ورح تنزل هون، وآيفون بعدين. نفس الحساب بيتزامن بين كل أجهزتك.
إيه. كل شي محفوظ على جهازك وبيشتغل بلا نت، وبس يرجع الاتصال بيتزامن لحالو. الدفع وأول تسجيل دخول بس بيحتاجوا نت.
إنت بس. نحنا كإدارة منشوف إيميلك واسمك واشتراكك ودفعاتك، مشان نفعّل الاشتراك ونساعدك. محتوى التطبيق (مهامك، ملاحظاتك، مصاريك، صحتك) ما منوصل إله.
لا. النموذج بينزل على موبايلك مرة وحدة وبيشتغل عليه. بيحتاج أندرويد 11 أو أحدث ومعالج 64-bit، وكل التطبيق بيشتغل كامل حتى بدونه.
عن طريق شام كاش، بالدولار أو بالليرة السورية بسعر السوق لليوم. بتحوّل وبتكتب كودك الخاص بملاحظة التحويل، وبتبعت الإيصال من التطبيق أو من حسابك بالموقع. بيشتغل اشتراكك مؤقتاً فوراً، ومنأكده بعد المراجعة.
بياناتك ما بتنمسح. بتضل تقدر تشوفها وتصدّرها كلها بملف واحد، بس ما فيك تضيف أو تعدّل لحتى تجدد. وإذا جددت بكير، الأيام الباقية بتنضاف للمدة الجديدة.
لأننا لسا عم نطوّر بسرعة. ممكن تلاقي أخطاء صغيرة، ومنصلّحها بالتحديثات الجاية. ملاحظاتك بتفرق، ابعتلنا عالانستغرام.
من صفحة التحميل هون مباشرة (ملف APK). أول مرة، أندرويد رح يطلب منك تسمح بتثبيت تطبيقات من المتصفح. التحديثات الجاية بتنزل من نفس المكان.
على انستغرام: @lifeos.sy. منرد على الرسائل بأسرع وقت.